Ferido un ciclista ao ser atropelado por un vehículo na Fonsagrada
O suceso produciuse na estrada LU-701, onde o ciclista recibiu os primeiros auxilios antes de ser evacuado ao Punto de Atención Continuada da localidade.
Por E.P. | SANTIAGO DE COMPOSTELA | 04/08/2018 | Actualizada ás 11:05
Os servizos sanitarios de urxencia trasladaron na mañá deste sábado a un ciclista que sufriu lesións graves despois de ser alcanzado por un vehículo na Fonsagrada.
O suceso produciuse minutos antes do oito da mañá, na estrada LU-701, no quilómetro 6. Segundo informou o servizo de emerxencias do 112 Galicia foi o propio condutor do vehículo o que realizou a chamada para pedir asistencia médica urxente para un ciclista ao que acababa de atropelar.
Así, o persoal do Centro Integrado de Atención ás Emerxencias de Galicia avisou aos profesionais sanitarios, axentes da Garda Civil de Tráfico e voluntarios de Protección Civil. Tras recibir os primeiros auxilios no lugar do accidente, o ciclista foi evacuado, inicialmente, ao Punto de Atención Continuada da localidade.
