A provincia de Ourense continúa en risco extremo de incendio
O risco é alto en case toda a Comunidade, coa excepción da Costa da Morte e o norte de Lugo.
Por E.P. | Santiago de Compostela | 05/08/2018 | Actualizada ás 14:01
A provincia de Ourense continúa este domingo en risco extremo de incendio forestal, mesma situación na que se atopan a conca do río Miño e o interior das provincias de Lugo, A Coruña e Pontevedra.
Así figura no Índice de risco de incendio forestal (IRDI), que publica diariamente a Consellería de Medio Rural e no que se observa que o risco é alto --por encima do 56%-- en case toda a comunidade, coa excepción da Costa da Morte e o norte de Lugo.
Deste xeito, o risco extremo de incendio mantense na práctica totalidade da provincia de Ourense, zonas interiores de Lugo, A Coruña e Pontevedra; e áreas como a península do Morrazo e o Baixo Miño.
Para o establecemento do IRDI tense en conta a conxunción dos seguintes factores: a
situación meteorolóxica, o estado da biomasa vexetal, o das infraestruturas preventivas, das masas arbóreas e o do chan.
