A CIG censura que o centro de saúde de Oímbra peche as fins de semana para "degustar pementos"

O sindicato critica que o Sergas "xustifique" que as instalacións do centro de saúde pechen para levar aos "políticos do PP a degustar pementos" e avanza que estudiará iniciar "as accións necesarias" contra esta "broma de mal gusto".

Por E.P. | SANTIAGO DE COMPOSTELA | 05/08/2018 | Actualizada ás 14:25

Comparte esta noticia

A CIG censurou que o  Servizo Galego de Saúde (Sergas) "xustifique" que as instalacións do centro de saúde de Oímbra (Ourense) acollan a celebración da Festa do Pemento da localidade, á vez que acusan á Xerencia de empregar a "posverdade" para "vender unha realidade falsa".

Festa do Pemento de Oímbra. CIG
Festa do Pemento de Oímbra. CIG | Fonte: Europa Press

A través dun comunicado difundido este domingo, a central nacionalista critica que o Sergas argumente que o ambulatorio da localidade permanece pechado durante as fins de semana para xustificar que as dependencias sanitarias se empreguen como lugar para a celebración da degustación gastronómica.

"Basta con visualizar as fotos desta festa en anos anteriores para constatar que a Xerencia do Sergas falta á verdade, ou o que é o mesmo, utiliza a posverdade para deformar a realidade, agás que considere que todo o mundo é parvo ou, mesmo, cego", apunta a CIG no seu comunicado.

Deste xeito, lamenta que o Sergas acuse o sindicato de actuar con "intereses partidistas" e de querer xerar "alarma social". "Non é a CIG a que leva aos centros de saúde a políticos do PP a degustar pementos", apostila.

Así as cousas, empraza á Consellería de Sanidade a "abrir o centro de saúde" durante as fins de semana en lugar de "organizar festas" nas súas dependencias, á vez que avanza que "estudiará" iniciar "as accións necesarias" contra esta "broma de mal gusto".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Xesús Ateo Recalcitrante

Quizas a política gastronómica e de saúde do Partido Popular e a Xunta de Galicia pasa por procurar pementos e fiambres por falta de atención nos centros de saúde?. Xa morreu un home (ou matáronno?) por falta de persoal mádico no PAC da Estrada. Pensan, acaso, converter os PAC e as zonas de urxéncias hospitalarias en lugares a onde ir de tapas ou en furanchos?

1 Fran Correa

A mafia do PP ten impunidade total, Ourense segue como dominio fascista coa información domesticada: a oposición silenciada e nas cunetas da marxinalidade!