Por E.P. | VIGO | 07/08/2018 | Actualizada ás 13:59
O alcalde de Vigo, Abel Caballero, fixo este martes un chamamento ao consumo responsable de auga porque, a pesar de que os niveis de ocupación das presas son bos, hai que estar "preparados" ante unha eventual seca, despois da "traizón" de Feijóo co transvasamento de emerxencia.
Nunha rolda de prensa, o rexedor lembrou que o Goberno galego non construíu esa condución de emerxencia, a pesar de que estaba pactada, e por iso a cidade debe estar preparada no caso de que haxa un outono seco. Así, Caballero aseverou que, de darse esta situación, Vigo "non vai ter axuda da Xunta", senón todo o contrario, "o desexo de xerar unha crise da auga".
O alcalde, que volveu reclamar que se modifique o caudal ecolóxico da presa de Eiras, informou de que este encoro se atopa ao 93 por cento da súa capacidade, mentres que o volume embalsado en Zamáns é do 85 por cento.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.