Galicia será a invitada de honra no Festival Intercéltico de Lorient en 2019
Galicia foi elixida para ser a invitada de honra no Festival Intercéltico de Lorient en 2019, na que será a súa 49ª edición, segundo confirmou este mércores a organización do evento durante o transcurso do mesmo --que dura até o 11 de agosto--.
SANTIAGO DE COMPOSTELA | 08/08/2018 | Actualizada ás 20:10 por EUROPA PRESS
Galicia foi elixida para ser a invitada de honra no Festival Intercéltico de Lorient en 2019, na que será a súa 49ª edición, segundo confirmou este mércores a organización do evento durante o transcurso do mesmo --que dura até o 11 de agosto--.
En cada edición este festival, un dos máis importantes e de máis renome en Francia, elixe a un país celta diferente ao que dedicar un protagonismo especial. Este 2018 está dedicado a Gales.
Cada edición do Intercéltico de Lorient reúne a 120.000 espectadores con entrada e 750.000 visitantes, con máis de 4.500 artistas de Bretaña, Irlanda, Escocia, Gales, Cornualles, Illa de Man, Galicia e Asturias.
Este ano conta con 130 músicos e bailadores galegos. Entre eles, destacan nomes como Uxía, Rodrigo Romaní, Anxo Lorenzo, Beatriz Martínez e Xulia Feixóo, entre outros.
