Por E.P. | VIGO | 09/08/2018 | Actualizada ás 17:46
O grupo municipal do PP no Concello de Vigo reclamou este xoves que se dea a oportunidade a artistas e grupos locais de actuar como teloneiros nos grandes concertos do verán, algo que se facía hai anos, en lugar de que sexa o alcalde, Abel Caballero, quen preceda as actuacións con "mitins". Así o manifestou o edil 'popular' Diego Gago, quen acusou ao rexedor de utilizar a cultura como "un elemento político e partidista".
Así, denunciou que, coa chegada de Caballero á alcaldía, "borrouse" dos carteis aos grupos locais, que tiñan a oportunidade de tocar ante numeroso público e nun "marco incomparable" na súa cidade.
Gago lamentou que, en lugar de apoiar a estes grupos e á cultura local, o rexedor aproveita eses eventos para "lanzar mitins populistas, demagóxicos e narcisistas" e "os vigueses xa están cansos de escoitar sempre o mesmo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.