Unha colisión múltiple en Redondela (Pontevedra) sáldase con catro persoas feridas

Catro persoas resultaron feridas leves nunha colisión múltiple en Redondela (Pontevedra) na que se viron implicados tres turismos, segundo a información facilitada ao servizo de emerxencias do 112 Galicia.

Tres dos accidentados foron trasladados ao hospital Concheiro e a outra persoa ferida o Hospital Fátima. O accidente produciuse, segundo precisa o 112, no punto quilométrico 137, da N-555, ao redor das 14,00 horas.

O persoal do 061-Urxencias Sanitarias e os voluntarios de Protección Civil de Redondela contactaron co 112 Galicia para alertar do sinistro.

A continuación, desde o CIAE 112 Galicia transmitiuse o aviso á Garda Civil de Tráfico e aos Bombeiros do Porriño.