O número de atendidos tras o derrube ascende a 377, dos que 7 permanecen ingresados

O número de persoas atendidas tras o derrube de parte dunha dársena, onde se estaba celebrando un concerto do festival O Marisquiño de Vigo, ascende 377 persoas, segundo os datos actualizados ofrecidos pola Consellería de Sanidade.

Desas persoas, sete permanecen ingresadas en distintos centros hospitalarios. Así, tres están no Hospital Álvaro Cunqueiro, outra foi trasladada ao Hospital Universitario de Santiago (por razóns de proximidade ao seu lugar de residencia), e outro tres están hospitalizadas en Povisa.

Do total de pacientes, que foron atendidos entre a pasada noite e a mañá deste luns, 172 foron trasladados ao Hospital Álvaro Cunqueiro (onde se reforzou o cadro), 35 foron atendidos no PAC de Vigo, 4 no PAC de Redondela, 94 en Povisa, 26 en Fátima, 11 no Hospital Montecelo de Pontevedra, 7 no Castro, 1 en Concheiro, 3 en Domínguez de Pontevedra e 24 en punto de atención do 061.

Ademais, na central de Urxencias do 061 atendéronse, ao longo da xornada deste mércores, un total de 80 chamadas solicitando información do accidente.

Segundo lembraron fontes sanitarias, para atender aos feridos mobilizáronse 5 UVIs, 12 ambulancias de soporte vital básico, 24 ambulancias de apoio, 3 ambulancias de Cruz Vermella, 2 equipos sanitarios da PAC, 3 vehículos de apoio loxístico e 1 vehículo de Protección Civil. No lugar do sinistro instalouse un posto de mando médico, un punto de triaje inicial e un posto de carga de ambulancias.