CCOO empreza á retirada duns folletos machistas da nova cafetería do CHUO

CCOO considera que as octavillas publicitarias que se están a distribuír como publicidade da
cafetería do complexo hospitalario conteñen "un texto burdo, lesivo e atentatorio contra a
dignidade das mulleres": os homes preséntanse como xefes e as mulleres como subordinadas e ociosas chismosas.

Por iso, a central sindical deu traslado do folleto e dos seus contidos ao Observatorio da Imaxe da Muller do Ministerio da Presidencia, Relacións coas Cortes e Igualdade para que a institución actúe ao respecto. Rexeita con contundencia que a empresa concesionaria dun servizo publico empregue para publicitarse un texto cuxos contidos son "burdos" e "lamentables" e que, a xuízo do sindicato, amosan un intolerable "tufillo machista".  

CCOO censura o "uso da desigualdade e a subordinación das mulleres como elemento
publicitario" e empraza a xerencia a que tome cartas no asunto e, aparte da total retirada
das octavillas, proceda a reprobación dos xestores da cafetería na medida que corresponda para que este tipo de accións sexan erradicadas do CHUO.