Por E.P. | SANTIAGO DE COMPOSTELA | 19/08/2018 | Actualizada ás 18:46
A Unión Sindical Obreira (USO) asegurou este domingo que prepara mobilizacións nos aeroportos galegos, nas que incluirán a Renfe e ADIF, para esixir as melloras prometidas para o persoal de seguridade, algo que, afirma, está "a incumprirse".
Nun comunicado, o sindicato lembra que, por mor da folga de vixiantes de seguridade no Aeroporto do Prat (Barcelona) o pasado ano, os ministerios de Fomento, Interior e Emprego acordaron con UXT, CC.OO. e empresarios a implementación de pluses para o persoal de seguridade privada en todo o Estado.
Ademais, tal e como apunta o secretario de organización de USO, Iván Blanco, este convenio recollía tamén "melloras para determinados servizos" como os de Renfe e Adif. Todo iso, critica, "está a quedar en papel mollado".
Neste sentido, Blanco acusa a UXT e CC.OO. de "enganar" ao sector da seguridade privada e de "hipotecarse de novo co Goberno de quenda" ao asinar un acordo "do que (ambas as organizacións) eran conscientes das dificultades" da súa aplicación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.