Ferido un home tras chocar dous vehículos en Lugo

Un home resultou ferido na tarde deste luns en Lugo nunha colisión na que se viron implicados dous vehículos.

Segundo a información do 112-Galicia, o suceso tivo lugar sobre as 13,15 horas á altura do número 94 da Rúa da Industria, en Lugo.

Até a zona desprazáronse efectivos da Policía Local e dos Bombeiros da cidade, que tiveron que liberar ao home, que quedara atrapado nun vehículo. Foi evacuado por persoal sanitario do 061.