Por E.P. | SANTIAGO DE COMPOSTELA | 22/08/2018 | Actualizada ás 13:02
O deputado do PSdeG no Parlamento de Galicia, Luís Álvarez, anunciou que o seu grupo volverá, co novo curso parlamentario no mes de setembro, a pedir á Xunta que declare como "praga" a presenza da vespa velutina ou vespa asiática. O parlamentario por Lugo lembrou que o PSdeG "presentou desde principios desta lexislatura distintas iniciativas en relación coa praga da velutina", sen obter resposta.
Álvarez afeou á conselleira de Medio Rural, Ángeles Vázquez, que dese como resposta, hai unha semana en Lugo, que hai que "convivir" co devandito insecto invasor, á vez que negaba que o goberno galego tivese "competencias" para a dita declaración. "Esa opinión de que hai que convivir con ela, igual que se fose unha praga bíblica que é algo que non temos máis remedio que levar, non é unha resposta satisfactoria", censurou.
Incidiu en que o que "ten que facer a Xunta de Galicia, que ten competencias, é declarar a praga e a partir de aí a declaración formal, que non significa que vaia a desaparecer pero si que a administración ten a obriga de dispor fondos de forma excepcional para combatela".
Luís Álvarez criticou ao goberno galego "por trasladar a responsabilidade", para a captura dos niños, aos concellos "perosen medios económicos". "A actitude da Xunta sempre é a mesma,delegar competencias pero non reservar os medios necesarios para facerse cargo das mesmas", reprendeu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.