Baixa o turismo de hotel en Galicia

O descenso foi dun 15% en xullo. No conxunto do ano xa perderon un 11% de turistas en relación ao ano pasado.

Por E.P. | SANTIAGO DE COMPOSTELA | 24/08/2018 | Actualizada ás 14:39

Comparte esta noticia

Os viaxeiros aloxados en hoteis galegos diminuíron un 15% no mes de xullo, en relación ao mesmo período do ano anterior, segundo os datos feitos públicos este venres polo Instituto Nacional de Estatística (INE).

Hotel Rua Villar, Santiago.. EUROPA PRESS - Archivo
Hotel Rua Villar, Santiago.. EUROPA PRESS - Archivo | Fonte: Europa Press

En concreto, os hoteis da comunidade aloxaron case 90.000 persoas menos que en xullo de 2017, até as 497.692. O pasado ano, os viaxeiros aloxados nestes establecementos neste mes superaron o medio millón de persoas.

Dos viaxeiros rexistrados este ano, a maior parte --369.366 persoas-- eran procedentes de España, mentres que os 128.326 restantes eran estranxeiros. Por provincias, 214.659 aloxáronse en hoteis da Coruña, 189.805 en Pontevedra, 62.595 en Lugo e 30.634 en Ourense.

En relación ás pernoctacións, durante o sétimo mes de 2018, os hoteis galegos rexistraron 1.127.716, o que supón case un 11% menos que hai un ano. A estancia media foi de 2,27 días.

PREZOS E RENDIBILIDADE

As estatísticas do INE apuntan a que os hoteis da comunidade experimentaron en xuño un incremento do 0,33% nos seus prezos, en termos interanuais.

Os ingresos por habitación dispoñible foron de 33,52 euros de media --un 3,3% menos que hai un ano-- e os beneficios por habitación ocupada foron de algo máis de 63 euros --un 2,48% máis--.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta