A ilegalización de Bildu enfrenta a BNG e PP

Novamente o que pasa en Euskadi ten as súas consecuencias en Galicia. Os nacionalistas galegos quedan sós na defensa de Bildu, fronte ao PP que se amosa inflexible cunha candidatura na que considera que hai "terroristas ou amigos de terroristas".

O voceiro parlamentario do BNG, Francisco Jorquera, cargou hoxe contra os principais partidos españois por "atentar" contra a Democracia ao impulsar a ilegalización de Bildu e comparou este caso coa "inhabilitación" do alcalde de Arzúa, o nacionalista Xaquín García.

"É gravísimo que forzas legais se vexan privadas de participar nunhas eleccións porque nas súas listas presuntamente hay candidatos vinculados a Batasuna que, non teñen sentecia de ningún tipo nin están condenadas por nada", suliñou este luns Jorquera ao referirse á decisión do Tribunal Supremo de non permitir que se presente Bildu, unha colición de EA, Alternativa --vinculados a Esquerda Unida-- e da antigua Batasuna.

Así, destacou que o BNG está a favor de utilizar todos os instrumentos que sexan necesarios para loitar contra o terrorismo pero "non está a favor de atallos e leis de expeción" que supoñen  un "grave atentado contra as garantías consttitucionais".

"Táctica do ventilador"

Ademais, foi máis alá e comparou este caso coa inhabilitación do alcalde de Arzúa por un delito urbanístico "cometido polo PPdeG" e acusou a este partido de "tirar de ventilador", coma fixo nas eleccións autonómicas, para tentar demostrar que en política "todos son iguais". E lembrou que, quizais, o que busque o PP é "desviar a atención" cos seus alcaldes corruptos da Costa da Morte. "Utilizan a táctica do ventilador para facerlle crer a xente que todos somos igual", dixo ao referirse que esa táctica xa lle funcionou nas autonómicas porque "ningún votante do PP deixa de votar ao PP polos seus casos de corrupción" pero sí deixan de votar os da esquerda.

"Limpeza" das listas

Pola súa banda, o presidente galego, cualificou de "boa noticia" para os demócratas, para Euskadi e para España a "limpeza" das listas electorais. Así, dixo, "se dignifica" a política.

Ademais, mesmo dixo, en alusión ao Tribunal Constitucional que é quen en última instancia ten que verificar a decisión do Supremo, que "manteña esta boa noticia" porque "é un exemplo" de que hai "armas democráticas e legais" para que organizacións "ilegais" non estean nas institucións.