Tranvías da Coruña rexistra un ataque informático que afecta á súa web

A Compañía de Tranvías da Coruña rexistrou un ataque informático que afectou á súa web e á súa aplicación, o que lle impide trasladar ao viaxeiro a información sobre a localización dos autobuses no seu traxecto.

Segundo informa a empresa, o servizo de transporte urbano funciona "con total normalidade" polo que "unicamente a información en tempo real é o que actualmente non é posible ofrecer".

A compañía sinala que os seus técnicos están a traballar para liquidar o problema "canto antes", co fin de poder facilitar aos usuarios información sobre os traxectos e tempo de chegada dos buses a través da aplicación habilitada para iso.