Por E.P. | SANTIAGO DE COMPOSTELA | 28/08/2018 | Actualizada ás 19:29
O incendio forestal do Parque Natural do Invernadoiro, en Vilariño de Conso (Ourense), quedarou estabilizado na tarde deste martes. O incendio declarado no concello de Ares quedou controlado segundo informou Medio Rural
Concretamente, as chamas no parque ousensano comezaron sobre as 8,54 horas da mañá na parroquia de Padroalbar e foron controladas sobre as 16,20 horas. Todo iso ocorreu despois de quedar extinguidos nas últimas horas outros dous incendios anteriores producidos no mesmo parque e debido a unha tormenta, que deixaron máis de 110 hectáreas calcinadas entre ambos.
Polo momento, o lume queimou 3,2 hectáreas no Invernadoiro, segundo as primeiras estimacións. No lugar traballan sete helicópteros, cinco avións, seis motobombas, 16 brigadas, catro axentes e un técnico.
Galicia rexistrou un total de 335 raios en 10 horas durante a madrugada deste martes, dos cales outro deles tamén provocou un incendio forestal no municipio de Ares (A Coruña), na parroquia de Cervás.
Este lume, activo desde as 3,09 horas, foi estabilizado sobre as 17,00 da tarde despois de arrasar un dez hectáreas de monte raso, segundo estima Medio Rural. Traballan para extinguilo dous helicópteros, sete motobombas, unha pa, 15 brigadas e oito axentes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.