As zonas do Miño en Ourense e Pontevedra, en alerta laranxa o domingo por temperaturas superiores aos 37 graos

Segundo recolle Meteogalicia, as altas presións e a proximidade de aire cálido procedente do sur, deixarán temperaturas elevadas durante a tarde en Galicia.

Deste xeito, tamén estará activa a alerta amarela, por previsión de que se superen os 36 graos, nas comarcas de Valdeorras, no sur e o noroeste de Ourense e o sur da provincia de Lugo.

A alerta amarela, tamén se estende por previsión de máximas superiores aos 34 graos, á costa de Pontevedra e aos municipios do interior da provincia da Coruña.