Por E.P. | SANTIAGO DE COMPOSTELA | 02/09/2018 | Actualizada ás 18:10
Nun comunicado, a Xunta apuntou que o departamento dirixido por Anxo Lorenzo colabora con esta iniciativa, que congrega a "miles de persoas" ao redor das actividades ofrecidas no barrio ferrolán, como é o caso das clases impartidas polos grafiteros Toni Espinar, Tmx.artist ou Elrojo.
En total, o Goberno galego asegurou que polas rúas desta zona pasaron "máis de 200 artistas" de distintas disciplinas dende que deu comezo esta nova edición das Meninas de Canido 2018, o pasado venres 31 de agosto.
"Música, baile, rutas guiadas, gastronomía, poesía e charlas", tal e como sinalou o Executivo autonómico, completan unha "ampla oferta cultural" que "anima a vida do barrio até ben entrada a noite", para acompañar o labor dos pintores que, "en formatos diversos e coas meninas como inspiración común, vanlle dando cor ás paredes de Canido", xa "un referente internacional de arte urbana".
Ademais, a Xunta asegurou que a "implicación" da veciñanza e a participación "cada ano é máis numerosa" por parte dos artistas plásticos que "reinterpretan as famosas figuras da obra de Velázquez, básicas para consolidar unha actividade de referencia na axenda cultural de verán" en Galicia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.