Extinguido o incendio de Monterrei, tras queimar case 130 hectáreas

Segundo as últimas estimacións achegadas pola Consellería o lume afectou a 126 hectáreas, das que 113,55 son de monte raso e o resto de arborado. O lume iniciouse o pasado mércores, ao redor do seis da tarde.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún incendio forestal. Ademais, toda a información actualizada sobre incendios forestais poderá ser consultada na conta aberta de Twitter: @incendios085.