Unha cociña de camping-gas, detrás do incendio en San Pedro de Baroña

A Policía Autonómica e os axentes forestais, en colaboración co persoal do Distrito Forestal IV-Barbanza, esclareceron un incendio ocorrido o 31 de agosto en San Pedro de Baroña, no concello coruñés de Porto do Son.

O lume iniciouse nunha cociña de gas, segundo indica a Xunta nun comunicado, no que precisa que afectou a unha superficie de 0,04 hectáreas de arboledo. Para a extinción do mesmo, foi necesaria a actuación do servizo antiincendios autonómico.

O atestado foi remitido ao Xulgado de Instrución en funcións da garda de Noia (A Coruña). No que vai de ano, a Policía Autonómica investigou un total de 38 persoas como presuntas autoras de incendios forestais.