Extinguido o incendio forestal de Carnota, tras calcinar 26 hectáreas
Mobilizáronse 7 axentes, 1 técnico, 7axentes, 20 brigadas, 10 motobombas, 3 pas, 7 helicópteros e 3 avións.
Por E.P. | SANTIAGO DE COMPOSTELA | 07/09/2018 | Actualizada ás 14:30
O incendio forestal que se iniciou na tarde deste xoves na localidade coruñesa de Carnota quedou extinguido, tras calcinar 26 hectáreas, segundo informou a Consellería do Medio Rural.
O lume forestal que comezou na parroquia de Lariño ás 15,41 horas da tarde do xoves, quedou extinguido ás 13,42 deste venres. Segundo as últimas estimacións, da superficie afectada, 23 foron de monte raso e 3 de arborado.
Para extinguir o lume mobilizáronse 7 axentes, 1 técnico, 7axentes, 20 brigadas, 10 motobombas, 3 pas, 7 helicópteros e 3 avións.
A Consellería do Medio Rural lembrou que está a disposición dos cidadáns o número de teléfono gratuíto 085, ao que deben chamar en caso de detectar algún lume forestal. Ademais, toda a información actualizada sobre incendios forestais poderá ser consultada na conta aberta de twitter: @incendios085.
