Dúas veciñas da Rúa morren nun accidente de tráfico en Chile

As dúas mulleres de 24 e 32 anos de idade, faleceron nun accidente rexistrado na tarde do domingo. Ademais, dous homes deste municipio permanecen feridos de gravidade.

Por E.P. | SANTIAGO DE COMPOSTELA | 17/09/2018 | Actualizada ás 19:19

Comparte esta noticia

Segundo informan os medios locais, o sinistro tivo lugar na ruta Calama Sierra Gorda cando o vehículo, no que viaxaban dous homes e dúas mulleres deste municipio ourensán, chocou contra un camión.

Estrada
Estrada | Fonte: Wikimedia

O alcalde da Rúa, Luís Fernández, informou que os ocupantes do vehículo eran dúas parellas do municipio ourensán. Unha das vítimas tiña 24 anos e acábase de casar cun dos feridos graves. A outra muller, de 32 anos, é a cuñada da outra falecida e irmá do ferido.

O rexedor tamén explicou que varios familiares se trasladaron a Chile para seguir cos trámites para repatriar os cadáveres, que xa iniciaron en contacto co Consulado.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta