Vendedores de ilusións

Estamos en pre campaña para as municipais do ano que ven. E algúns grupos políticos espezaron a presentación dos candidatos na cidades e vilas de Galicia. Desta maneira, vendéndonos as súas virtudes e facendo un espectáculo cunha posta en escea cargada de promesas, empeza a preparación duns comicios que, segundo din os alcaldables, traerán para ós cidadáns unha prosperidade nunca vista.

Por Manuel H. Iglesias | Ourense | 19/09/2018

Comparte esta noticia
Así, mentres na  cidade olívica, o Sr. Caballero agudiza a linguaxe do viguismo contra Xunta e amósase cabreado, e pouco menos que   insultado e menospreciado polo presidente da Xunta, logo cámbia de discurso e  presenta o alumado do Nadal  falando  de competir coas cidades do mundo mundial. E pra iso quere  encher  Vigo con tantos millóns de puntiños de luz  que superará a Londres e outras cidades neste  asunto. Vamos que,  segundo dixo, isto será o non vai  máis.
 
Cousa ben diferente aconteceu o sábado pasado en  Ourense, onde  Feijoo, presentando a Jesús Vázquez,  dixo que temos o mellor alcalde de Galicia. E que o futuro que nos espera ós ourensáns está cheo de cousas moi boas que se materializarán nos próximos anos. 
O  importante, dicía un comerciante é vender ben o xénero. E eiquí o importante  é promocionar como sexa á persoa; iso si, falando, como se dunha relixión se tratara, de promesas a futuro que maiormente quedan en fume. Pero crean ilusións de ter cousas boas que nos farán máis felices e iso anima. 
 
Mais o certo é que, no caso de Ourense,  pouco, ou máis ben nada hai que presentar como positivo do acadado nestes catro anos de goberno dos populares. A desvalorización e o deterioro da vida municipal na cidade das burgas é tan evidente que tardarase tempo en recuperar o que se perdeu. Pois, se no haber dun goberno que non presenta en tres anos un presuposto e xustifícase culpando á oposición de pór paus nas rodas, non hai nada mais ca iso, todo semella que  a falla de decisión política, e o medo a perder a alcaldía foi o  obxectivo final do mandato. Ou sexa: os intereses partidarios e persoais por riba dos intereses colectivos dos cidadáns. Feijoo, e o xefe provincial arrouparon sen remilgos a idea de promocionar a unha persoa e  vender un produto imaxinario que demostrou que non ten cintura de alcalde. Pero, nestas postas en escea,  trátase de convencer á parroquia. Logo, o demais, xa se verá. E mentres, o concello sigue cunha morea de servizos na corda floxa ou en precario; sigue sen PXOM, cando xa estaba aprobado inicialmente. Sigue coa  cultura polo chan; sigue cos parques e xardíns desfeitos e sucios, e así poderíamos seguir e seguir enumerando problemas. E por enriba, como somos moi tranquilos,  tragamos con proxectos de obriñas  desmellorados feitos pola Xunta.
 
En fin, cousas veredes. En Vigo, antes de rematar o verán xa andan a poñer o alumado de Nadal e o alcalde farolea e farolea case chegando ó ridiculo: Vigo será o centro do mundo. Mentres en Ourense o Sr. Vázquez culpa á oposición das súas propias debilidades e medos, coa única intención de manterse na poltrona do concello.
Cousas verdes.
 

Feijóo presenta a Jesús Vázquez nun almorzo informativo. Europa Press
Feijóo presenta a Jesús Vázquez nun almorzo informativo. Europa Press
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Manuel Herminio Iglesias Natural de Seixalbo, concello de Ourense 1949. Diplomado en Maxisterio (Ciencia Humanas) e Música. Comprometido coa labor social, cultural e política, fundou diversas asociacións. Foi, dende xuño do 2009 ate xuño de 2011 concelleiro de Infraestruturas, Mobilidade e Perímetro Rural no concello de Ourense. Preside dende o ano 1997 a Asociación Cultural Agromadas. www seixalbo.com