Por E.P. | SANTIAGO DE COMPOSTELA | 19/09/2018 | Actualizada ás 13:17
A conselleira de Infraestruturas e Vivenda, Ethel Vázquez, pediu este mércores ao Executivo central que convoque a comisión de seguimento da AP-9, xa que "se demostrou que é un foro de gran utilidade" para "informar aos galegos do que ocorre coeixo principal de Galicia".
A Xunta de Galicia trasladara esta petición ao Goberno de Pedro Sánchez o pasado 28 de agosto a través dunha carta dirixida ao secretario de Estado de Infraestruturas, Transporte e Vivenda, Pedro Saura, e a propia conselleira fixera pública esta demanda antes os medios de comunicación.
"Mentres se debate no Congreso dos Deputados a proposición de lei para a transferencia da titularidade da AP-9 en Galicia, demandamos que o Executivo central nos convoque a esa comisión de seguimento", sinalou Vázquez aos medios de comunicaciónantes de visitar as obras da primeira fase da estación intermodal de Ourense.
Neste sentido, a responsable de Infraestruturas destacou que a comisión sinalada servirá, ademais, para "defender os intereses dos galegos e a calidade dos servizos" a través dunha "planificación adecuada" e "pegada ao territorio con respecto a todas as actuacións relacionadas coa AP-9".
TRANSFERENCIA DA AP-9
Ethel Vázquez lembrou que a Xunta de Galicia defendeu "desde o ano 2009" a transferencia da titularidade da AP-9, polo que a súa posición "non mudou", e considera que "todos os pasos adiante sobre a transferencia da titularidade da AP-9 son positivos".
"O propio presidente da Xunta de Galicia trasladou a Pedro Sánchez a reivindicación unánime en Galicia da transferencia da AP-9. Fai falta comprobar que ese xesto se traslade en vontade real do Goberno de España en querer e traballar polos galegos", apostilou a conselleira.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.