A actriz e cantante Jane Birkin actuará o 27 de outubro en Pontevedra
A actriz e cantante Jane Birkin actuará o sábado 27 de outubro en Pontevedra acompañada da Orquestra Filharmónica Cidade de Pontevedra, un concerto que se enmarca no Ciclo Voices. As entradas para o concerto están xa dispoñibles a través de Ticketea e Ataquilla.
Por E.P. | SANTIAGO DE COMPOSTELA | 20/09/2018 | Actualizada ás 10:25
Tras case unha década de silencio discográfico e aos seus 71 anos, Jane Birkin volve cantar a Serge Gainsbourg no seu novo álbum, 'Birkin / Gainsbourg - Lle Symphonique', editado a pasada primavera.
Neste traballo reinterpreta, xunto a unha orquestra sinfónica de 90 instrumentos, o repertorio que no seu día lle legou o pai da súa filla Charlotte.
A actuación do 27 de outubro na cidade do Lérez será a única data na que a actriz actuará en España, tras a súa presenza na Primavera Sound.
A organización explicou, a través dun comunicado, que por segundo ano consecutivo, o Ciclo Voices ofrece ao público a oportunidade de gozar dos mellores directores musicais. Así, Voices xa programou a Jorge Drexler no principio do ano e, ademais de Jane Birkin en outubro, o grupo británico Morcheeba actuará en novembro.
