Por E.P. | SANTIAGO DE COMPOSTELA | 21/09/2018 | Actualizada ás 11:26
As vendas do sector servizos subiron un 8,6% en Galicia en xullo en comparación co mesmo mes do ano anterior, segundo datos publicados este venres polo Instituto Nacional de Estatística (INE).
En concreto, o de Galicia é o sétimo aumento entre comunidades. Á cabeza está Madrid, cunha subida do 11,6%. No outro extremo, está á cola Baleares, cun 3,7% máis. Deste xeito, Galicia acumula catro anos e cinco meses (53 meses) consecutivos de aumentos interanuais, xa que o último dato negativo produciuse en febreiro de 2014.
De media no que vai de ano, a facturación da industria galega crece un 5,3%, menos que o 6,4% no Estado. Atópase na parte das comunidades que menos crece.
No tocante ao emprego, hai un aumento interanual na Comunidade do 1,8%, o cal é menor ao da media (+2,2%). De feito, é o sexto pola cola nun mes de subida en todas as autonomías. De media no que vai de ano o progreso na ocupación é do 1,9% en Galicia, menos que o 2,2% estatal.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.