A Premio Nobel de Fisioloxía e Medicina May-Britt Moser visita a Universidade de Santiago

Compostela acolle por primeira vez a iniciativa Nobel Prize Inspiration Initiative.

Por Galicia Confidencial | Santiago de Compostela | 25/09/2018 | Actualizada ás 20:00

Comparte esta noticia

A Universidade de Santiago de Compostela (USC) recibe este xoves a Premio Nobel de Fisioloxía e Medicina 2014, May-Britt Moser. A neurocientífica visitará a Facultade de Medicina e o Centro de Investigación en Medicina Molecular e Enfermidades Crónicas (CiMUS), actos para os que é preciso inscribirse previamente. 

A Premio Nobel May-Britt Moser
A Premio Nobel May-Britt Moser | Fonte: Thor Nielsen - NTNU Info.

Na primeira cita, ás 10.00 horas na Facultade de Medicina, Moser compartirá co alumnado o camiño percorrido ata conseguir o máximo recoñecemento científico a través da súa conferencia ‘O espazo, o tempo e a memoria no cerebro’.

Xa ás 13.00 horas no Colexio de San Xerome, o reitor Antonio López recibirá a May-Britt Moser no seu despacho e convidaraa a que asine no Libro de Honra da institución.

Pola tarde, ás 15.30 horas no CiMUS a Premio Nobel manterá un encontro cos investigadores dese centro baixo o titulo ‘Como ser un científico creativo?’.

A Fundación AstraZeneca e Nobel Media — entidade que difunde a nivel mundial os logros e as experiencias dos Premio Nobel— organizan, por primeira vez en Galicia e por segunda en España, Nobel Prize Inspiration Initiative, o programa que achega referentes científicos que inspiran a futuros investigadores a desenvolver a súa carreira profesional. En Santiago a iniciativa lévase a cabo en colaboración co programa ConCiencia.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta