Por E.P. | SANTIAGO DE COMPOSTELA | 03/10/2018 | Actualizada ás 10:15
Unha muller resultou ferida de gravidade despois de derrubarse o chan da súa vivenda e caer á planta inferior na parroquia de Campelo, no Concello lugués do Corgo.
Segundo a información facilitada ao 112 Galicia, o accidente produciuse pouco antes das 21,00 horas da noite do martes 2 de outubro, nunha casa situada en Campelo.
En concreto, segundo sinalaron as mesmas fontes, debido ás dificultades para acceder á muller, que estaba entre o derrube, o 112 Galicia informou aos bombeiros de Sarria para colaborar cos profesionais sanitarios na asistencia á ferida.
Con todo, o equipo do 061-Urxencias Sanitarias conseguiu chegar até ela e iniciar o seu traslado urxente dadas as lesións de carácter grave que presentaba. Ademais, contaron coa axuda dos axentes da Garda Civil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.