Por Galicia Confidencial | Brión | 05/10/2018 | Actualizada ás 10:35
Contos como antídoto do acoso escolar. Por iso, a sala municipal de exposicións de Brión acolle este venres o contacontos “Como axudo a Antón?”, unha iniciativa dos Biosbardos dirixida a un público infantil de entre 6 e 12 anos de idade. Un contacontos que aborda a problemática do acoso escolar e explica como detectalo e evitalo.
“Como axudo a Antón?” está baseado no álbum ilustrado do mesmo título realizado por Jorge López Penas, o seu fillo de 13 anos Martín, a educadora social Isabel Ponte e a ilustradora Eva Riero.
A iniciativa está incluída dentro das actividades organizadas polo Concello de Brión para conmemorar o “Mes da biblioteca” e que incluirá outra actividade de animación o vindeiro 23 de outubro da man de Celtia Figueiras e Luís Valdecillo. A obra, que comeza ás 18.00 horas, é de entrada será libre ata completar aforo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.