Extinguido o incendio na Gudiña, tras afectar a unha superficie total de case 36 hectáreas

Extinguido o incendio iniciado na madrugada deste domingo 7 de outubro no concello ourensán da Gudiña, na parroquia de Pentes, despois de afectar a 35,87 hectáreas, segundo as últimas estimacións de Medio Rural.

Así o informou a Consellería do Medio Rural, que precisou que no lugar traballaron para a extinción do lume cinco axentes, 18 brigadas, catro motobombas, unha pa e cinco helicópteros.

O lume activouse ás 3,35 horas da madrugada do sábado ao domingo 7 de outubro, despois de que na tarde do sábado 6 se conseguise extinguir o rexistrado, con dous focos, dende o venres 5 no mesmo municipio, pero na parroquia de Barxa.