Santiago de Compostela | 10/10/2018 | Actualizada ás 19:15 por EUROPA PRESS
A directora de Investigación e Proxectos do Instituto de Investigación de Seguridade e Factores Humanos, Pilar Calvo, afirmou que baixo o seu punto de vista o maquinista non tivo "ningunha responsabilidade no accidente" ocorrido en 2013 no barrio compostelán de Angrois.
Segundo explicou na comisión que investiga o sinistro no Congreso, o maquinista "obrou como calquera outro maquinista" actuaría "nesas circunstancias" e así llo sinalaron outros maquinistas cos que conversou. "Moitos maquinistas puxéronse en contacto comigo e dixéronme: 'A min ocorreume o mesmo'", aseverou.
Calvo foi crítica co informe da Comisión de Investigación de Accidentes Ferroviarios (CIAF) por non investigar as "causas subxacentes" e concluír que o accidente se debeu a un erro humano do maquinista por exceso de velocidade e distracción por recibir unha chamada. Por iso, sentenciou: "É necesario refacer a comisión de investigación ou polo menos refacer o informe".
(Haberá ampliación)
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.