E que vai pasar agora cos case 800 traballadores de Alcoa que serán despedidos?
Os obreiros instan ao Executivo central a solucionar o problema da tarifa eléctrica, mentres que a multinacional asegura que na súa decisión teñen máis peso "motivos estruturais" que os enerxéticos. "Non podemos permitir que pechen as plantas así, sen máis, nun mes e sen ningunha explicación", avisan os empregados, que avanzan mobilizacións.