Por E.P. | SANTIAGO DE COMPOSTELA | 20/10/2018 | Actualizada ás 12:08
Miles de persoas maniféstanse desde as 11.00 horas deste sábado na Coruña para esixir a retirada do ERE extintivo presentado pola multinacional do aluminio Alcoa e que supón o peche das factorías desta cidade e de Avilés e a destrución de preto de 700 empregos directos.
Após a pancarta 'Estabilidade enerxética, futuro para a industria xa', os manifestantes avanzaron cortando o tráfico pola Avenida de Linares Rivas cara á Delegación do Goberno, entre sons de gaitas, petardos, bengalas e consignas de 'Isto é a guerra, Alcoa non se pecha'.
O presidente do Comité de Empresa de Alcoa na Coruña, Juan Carlos López Corbacho, situou como "primeira premisa" que a empresa retire o ERE de extinción porque "non pode impor esta solución sen negociación" e defendeu que as plantas son produtivas "máis aló do que manipula Alcoa".
Os traballadores de Alcoa na Coruña contaron co apoio na manifestación dos operarios das plantas de Avilés e San Cibrao, en Cervo (Lugo), así como de representes políticos de PPdeG, En Marea, PSdeG, BNG e Podemos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.