Detido un ex-brigadista como presunto autor de sete incendios forestais
Os lumes prenderon entre o 27 de agosto e o 8 de outubro nun tramo de estrada que une Baltar e Os Cuquexos (Ourense).
Por E.P. | SANTIAGO DE COMPOSTELA | 24/10/2018 | Actualizada ás 19:24
A Garda Civil de Celanova (Ourense) detivo un ex-brigadista dos Blancos como presunto autor de sete incendios forestais intencionados ocorridos entre o 27 de agosto e o 8 de outubro nun tramo de estrada que une Baltar e Os Cuquexos.
O detido foi arrestado este martes ás 8.30 horas, segundo informa a Benemérita. Ten 22 anos e é veciño dos Blancos.
Os lumes afectaron a 9,2 hectáreas aroboradas e 4,01 de monte raso, o que motivou a intervención de distintos medios de extinción.
"No momento dos incendios, o detido exercía a súa actividade laboral como integrante da brigada municipal de extinción", apunta a Guardia Civil. As dilixencias foron remitidas ao xulgado de instrución de Xinzo de Limia.
