Por E.P. | SANTIAGO DE COMPOSTELA | 27/10/2018 | Actualizada ás 10:58
Segundo informa o 112, foi sobre as 22,15 horas deste venres cando recibiu a chamada dunha persona que pedía asistencia urxente para un home atrapado no interior dun coche tras unha saída de vía.
Segundo se indicou, o vehículo accidentado estaba na estrada de Boqueixón cara o Pico Sacro. Até o lugar desprazouse un equipo do 061 e unha dotación do Servizo de Prevención, Extinción de Incendios e Salvamento de Ordes para liberar ao único ocupante do vehículo.
O operativo completárono os axentes da Garda Civil de Tráfico e os voluntarios de Protección Civil da localidade. Con todo, os efectivos mobilizados nada puideron facer para salvar a vida do condutor.
ACCIDENTES ENCADEADOS EN VIVEIRO
Así mesmo, o 112 informou de que, pouco antes da pasada medianoite, recibiu a alerta de dous accidentes encadeados en Viveiro (Lugo). Nun primeiro momento, un coche chocou contra un poste, que caeu ao chan e causou un segundo accidente, no que resultou ferido un motorista.
Ocorreu na Ponte da Misericordia, segundo explicou o veciño que chamou ao 112 para pedir axuda. O ferido --sinalou-- era un motorista que chocou contra o poste tirado nun choque anterior. Para atender ao home ferido, acudiu ao momento unha dotación do 061, e o 112 informou os bombeiros da localidade e aos membros do servizo local de emerxencias.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.