O PSdeG advirte que non acudirá á Comisión do Marisquiño se segue sendo unha "mascarada"
Abel Losada censura os plans de traballo presentados polo resto de grupos, aos que acusa de usar o órgano para facer "campaña electoral contra Vigo".
Por Europa Press / Redacción | VIGO | 29/10/2018 | Actualizada ás 14:58
O deputado socialista Abel Losada reafirmouse este luns en que a comisión do Parlamento que investigará o accidente ocorrido no festival O Marisquiño de Vigo é unha "especie de mascarada" que tenta "exclusivamente" gañar "nunhas salas do Parlamento de Galicia aquilo que os cidadáns de Vigo non lle dan, en termos de votos e de apoio, nin ao PP, nin ao grupo de En Marea, nin ao BNG".
O deputado manifestou este luns a Europa Press que a decisión de seguir indo á comisión --que se puxo en marcha a finais de setembro, pero aínda está unha fase moi inicial, xa que se acaban de presentar os plans de traballo-- tomarase "no seo do grupo parlamentario socialista", que "aínda" non o ten decidido.
En todo caso, o PSdeG, como lembrou o propio Losada nun audio difundido aos medios, xa non presentou plan de traballo. Agora haberá que ver que paso da o mércores 31, cando, según Losada, se reúna o órgano para aprobar o seu plan de traballo definitivo.
O secretario xeral dos socialistas en Vigo, realizou unha valoración "enormemente negativa" dos plans de traballo presentados polo resto de grupos da Cámara para esta comisión e asegurou que "todos eles" tentan covertirla "nunha campaña electoral contra Vigo".
PLANS "SESGADOS"
"Tentan utilizar un mecanismo parlamentario como unha arma arreboladiza electoral contra o acalde de Vigo e contra o goberno municipal", aseverou Losada, que engadiu que "non hai ningunha razón obxectiva para presentar plans de traballo tan nesgados".
O deputado socialista criticou que PP, En Marea e BNG teñen "feita" a súa conclusión desta comisión "desde o primeiro momento" pois "tentaron responsabilizar ao alcalde, e ao Concello de Vigo, de algo que evidentemente é un accidente e que está sometido a unha investigación xudicial".
Así mesmo, Losada destacou que lles "sorprende" que o PP non solicite a comparecencia do presidente da Xunta, Alberto Núñez Feijóo, nesta comisión. "Se cadra está relacionado co feito de que o presidente Feijóo tampouco estivo o día do accidente en Vigo e os que estaban alí, ata que se terminou a posible procura de vítimas e a atención ás mesmas, foron o alcalde e o seu equipo", espetou.
