A empresa Bombardier recomendou reducir a velocidade en Angrois para non desconectar o sistema de seguridade
O líder de proxecto de Sistemas Embarcados de Talgo-Bombardier Jaime Moñús asegurou que a súa empresa, responsable da instalación no tren do Sistema Europeo de Xestión do Tráfico Ferroviario (ERTMS), propuxo a Renfe e a Adif reducir a velocidade a 75 quilómetros por hora, no canto de desactivar o sistema de a bordo como decidiron ambas un ano antes do accidente ocorrido en Santiago.
Por E.P. | MADRID | 31/10/2018 | Actualizada ás 18:08
Na comisión de investigación do Congreso sobre o sinistro do Alvia no barrio compostelán de Angrois, en 2013, detallou que os fallos do ERTMS embarcado nos trens da serie S-730 debíanse a que non se lían as primeiras balizas na entrada da curva, polo que o sistema detectaba un erro e detiña o vehículo provocando atrasos na liña.
Segundo explicou, este fallo podía mitigarse de forma temporal reducindo a velocidade de entrada na curva, pero, ademais, Bombardier entregou en outubro de 2012 a versión corrixida do software do ERTMS, que non chegou a instalarse xa que no momento do accidente aínda continuaba desconectado o ERTMS embarcado nos convois e estes funcionaban baixo a única supervisión do sistema de Anuncios de Sinais e Freado A
