Como coñecer os viños peninsulares
Afundación e o Instituto Galego do Viño presentan un novo curso sobre a cultura do viño dirixido a profesionais e afeccionado.
Por Galicia Confidencial | A Coruña | 03/11/2018 | Actualizada ás 11:36
Coñecer e diferenciar as careacterísticas dos viños galegos, portugueses e españois. Ese é o obxecto dun novo curso de cata de viños convocado por Afundación, a Obra Social de ABANCA, e o Instituto Galego do Viños e dirixido a persoas cun certo coñecemento enolóxico.
O obxectivo do programa é estudar con maior profundidade as técnicas de viticultura e enoloxía, coñecer as variedades de uva adicionais, iniciar na xeografía vitivinícola da península ibérica probando viños de diferentes zonas de España e Portugal, adestrando as habilidades de cata.
Desenvolverase na Sede Afundación da Coruña desde o próximo luns 5 de novembro, en horario de 19.00 a 21.30 h, de maneira semanal ata o luns 26 de novembro, inclusive. As inscricións pódense realizar a través das canles habituais de venda de Afundación, en Ataquilla.com, a través do teléfono 902 504 500 e nas billeteiras das sedes da entidade.
