Evacuan unha persoa con queimaduras logo de incendiarse a furgoneta na que viaxaba

Unha persona resultou ferida na tarde deste xoves en Pontevedra ao queimarse despois de que a furgoneta na que circulaba comezase a arder.

Segundo a información do Centro Integrado de Atención a Emerxencias 112-Galicia, o suceso ocorreu sobre as 13,45 horas nas proximidades do campo de fútbol de Castelo, na parroquia de Lérez.

Até a zona desprazáronse efectivos dos Bombeiros de Pontevedra, da Policía Local e de Protección Civil, así como persoal sanitario do 061, que trasladaron ao ferido ao Hospital Montecelo de Pontevedra.