Os aeroportos galegos gañan preto de 200.000 pasaxeiros

A cifra de novos usuarios de Lavacolla é a que menos se incrementou, a pesar de seguir á cabeza en número total de pasaxeiros. Pola súa banda, Alvedro é a única terminal na que aumentaron os voos.

Por Europa Press / Redacción | SANTIAGO DE COMPOSTELA | 12/11/2018 | Actualizada ás 13:59

Comparte esta noticia

Os aeroportos galegos rexistraron até o mes de outubro case 200.000 pasaxeiros máis que no mesmo período do ano anterior, o que supón un 4,75% de crecemento. Segundo os datos publicados este luns por Aena, nos primeiros 10 meses do ano, os tres aeródromos da Comunidade foron utilizados por 4.329.951 pasaxeiros, 196.540 máis que no mesmo período do ano anterior.

Aeroporto De Santiago de Compostela. AEROPUERTO DE SANTIAGO DE COMPOSTELA - Archivo
Aeroporto De Santiago de Compostela. AEROPUERTO DE SANTIAGO DE COMPOSTELA - Archivo | Fonte: Europa Press

Por aeroportos, o de Santiago rexistrou 2.336.385 usuarios, un 3,3% máis que até outubro de 2017; mentres que polo da Coruña pasaron 1.030.750, un 7,5% máis. Pola súa parte, o  número de pasaxeiros de Vigo medrou un 5,4%, até 962.816.

En canto ás operacións, o aeroporto de Santiago operou até outubro 18.767 voos, un 2% máis; o da Coruña operou 14.957, un 8,3% máis; e en de Vigo 10.802, un 1,3% máis.

Así mesmo, durante o mes de outubro, 463.167 persoas fixeron uso dos aeroportos galegos, 30.000 máis que o mesmo mes do ano anterior, o que supón un incremento do 6,93%. Por terminais, Lavacolla acolleu en outubro a 245.707 usuarios, un 4,7% máis que o ano anterior; Alvedro a 110.633, un 9,6% máis; e Peinador 106.827, o mesmo incremento interanual que no caso da Coruña.

Ademais, a cifra de voos operados diminuíu un 3,1% en Santiago, con respecto a outubro de 2017, até 1.936; e un 2,6% en Vigo, até 1.107. No caso da Coruña, os voos incrementáronse un 7,9% en outubro, até 1.637.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta