A banda "María Fumaça" actuará na final do certame 'Quero Cantar' da Deputación da Coruña

A banda María Fumaça, capitaneada por Uxía, será a invitada este sábado na gala final de 'Quero Cantar' na que se decidirán os grupos gañadores na modalidade infantil e xuvenil da terceira edición do certame musical da Deputación da Coruña.

Segundo informa o organismo provincial, pódense reservar as entradas ou recollelas para un evento que terá lugar no Teatro Colón, a partir das 18,00 horas.

A banda María Fumaça dará inicio á festa interpretando as cancións que máis populares se fixeron nos últimos anos entre os nenos galegos para dar paso despois á actuación das seis bandas finalistas do certame, dos municipios de Cortegada, Fisterra, Teo, Pontevedra e Vila de Cruces.