Concentración este domingo na Alameda de Santiago contra a mina de O Pino-Touro
O acto está convocado para as 12:30 pola Plataforma Veciñal Mina Touro-O Pino Non.
Por Galicia Confidencial | SANTIAGO DE COMPOSTELA | 17/11/2018 | Actualizada ás 18:11
Este domingo 18 de novembro ás 12:30 horas celebrarase unha concentración cívica de repulsa contra a “pretendida reapertura da mina de cobre de Touro-O Pino”. O acto terá lugar á entrada da Alameda compostelana debaixo da pancarta alí colocada coa autorización do Concello de Santiago e co seguinte lema: “NON Á MINA DE TOURO-O PINO. PEDIMOS RESPECTO”. A esta concentración “están convidados a veciñanza de Santiago, as asociacións veciñais, culturais e sociaias compostelás e todos os grupos da Corporación municipal”.
Para a Plataforma e outras entidades sociais e políticas, a reapertura da mina de cobre a ceo aberto afectaría moi gravemente á calidade de vida e á saude dos cidadáns, ao medio ambiente e, tal como denunciou recentemente ICOMOS, órgano asesor da UNESCO, ao propio Camiño de Santiago.
