Por Europa Press / Redacción | Ferrol | 18/11/2018 | Actualizada ás 21:00
O senador pola provincia da Coruña Ángel Mato será o candidato do Partido Socialista á Alcaldía de Ferrol após obter o 58,5% dos votos nas primarias e imporse ao edil Germán Costoya, candidato afín á secretaria xeral local, Beatriz Sestayo.
En concreto, estaban chamados a votar neste proceso interno 296 militantes socialistas, dos que acudiron 248, situando a participación en 83,8%. Mato conseguiu 145 apoios --o 58,5% dos votos--, Germán Costoya 101 --40,7%-- e dúas persoas votaron en branco --0,8%--.
Mato impúxose neste proceso interno, no que houbo unha participación moi alta, após pactar co portavoz da executiva local, Antonio Golpe, quen retirou a súa candidatura e integrouse no proxecto do senador.
Aínda que para este primarias Golpe se sumou o proxecto de Mato, principal rival interno de Beatriz Sestayo, na asemblea que renovou a dirección local e na que a que fore deputada autonómica se impuxo por un voto ao senador, Golpe sumou os seus apoios aos da actual secretaria local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.