A Xunta anuncia novas medidas contra a violencia de xénero
Un plan de acceso á vivenda para vítimas, reforzar a rede de acollida ou poñer o foco nos casos de violencia machista no rural son algunhas das decisións do Goberno galego.
Por Europa Press / Redacción | SANTIAGO DE COMPOSTELA | 20/11/2018 | Actualizada ás 12:18
O vicepresidente da Xunta, Alfonso Rueda, anunciou que o Goberno galego porá en marcha o próximo ano un total de 14 novas medidas para desenvolver en Galicia o Pacto de Estado contra a violencia de xénero.
Así o avanzou este martes durante a súa comparecencia no pleno da Cámara, no que citou, entre outras accións, que a Xunta poderá en marcha un plan integral de acceso á vivenda para vítimas, reforzará a rede galega de acollida e activará con asociacións un programa de apoio para mulleres que padecen violencia machista no rural.
Rueda destacou estas medidas durante unha intervención na que deu conta de que a Administración autonómica xa recibiu os 8 millóns de euros asignados polo Estado para o desenvolvemento deste pacto.
