Rescatan en Camariñas un enfermo que vivía entre "gran cantidade de lixo"
O afectado foi recollido "sen apenas forzas, desorientado, rodeado de botellas e espido".
Por E.P. | A CORUÑA | 20/11/2018 | Actualizada ás 20:09
A Garda Civil do Posto de Camariñas (A Coruña) informou de que procedeu á evacuación dun enfermo con síndrome de Dióxenes a quen os veciños levaban varios días sen ver. Os feitos sucederon despois de que unha veciña alertase á Garda Civil de que un home de Olveiroa-Dumbría levaba varios días sen recoller o pan.
Ante esta situación, os efectivos trasladáronse até o lugar, onde xa estaban os servizos sanitarios, que non podían acceder a onde estaba o enfermo debido a que vivía rodeado de "unha gran cantidade de lixo".
Unha vez no domicilio, os compoñentes da patrulla dispuxéronse a retirar todos os desfeitos que puideron coa finalidade de acceder até o home, con signos evidentes de estar "sen apenas forzas, desorientado, rodeado de botellas de ouriños e espido". Finalmente, púidose evacuar ao enfermo, con apenas 40 quilos de peso, até o Hospital Virxe da Xunqueira.
