Unha persoa falecida e outras dúas feridas, nunha saída de vía na AP-9 en Barro

Unha persoa faleceu e outras dúas resultaron feridas ao saírse da vía o coche no que circulaban e acabar envorcado, nun accidente ocorrido na Autoestrada do Atlántico (AP-9), á altura do termo municipal de Barro, en Pontevedra, ao redor das 23,10 deste sábado.

Segundo os datos facilitados ao servizo de emerxencias do 112 Galicia, os servizos de emerxencia tiveron que excarcerar á persona falecida e a outra vítima que viaxaba no turismo accidentado. Finalmente, foron evacuadas a un centro hospitalario dúas persoas.

O sinistro produciuse no punto kilométrico 119 da autoestrada, en sentido sur. Tras recibir o aviso do accidente por parte dun particular, o 112 Galicia puxo a situación en coñecemento do 061-Urxencias Sanitarias, dos Bombeiros de Vilagarcía, Ribadumia e Pontevedra, da Garda Civil de Tráfico e do servizo de mantemento da vía.