Detido un ourensán como presunto autor de doce incendios forestais

Un veciño de Xinzo de Limia (Ourense) declara no xulgado por provocar lumes supostamente de xeito intencionado en Sarreus, Vilar de Barrio e Xunqueira de Ambia.

Por Europa Press / Redacción | SANTIAGO DE COMPOSTELA | 26/11/2018 | Actualizada ás 12:06

Comparte esta noticia

O Servizo de Protección da Natureza (Seprona) da Garda Civil detivo, sobre as 18.00 horas deste domingo, a un veciño de Xinzo de Limia (Ourense) como presunto autor de doce incendios forestais ocorridos na provincia.

Incendio forestal na Serra de San Mamede (Ourense). REMITIDA - Arquivo
Incendio forestal na Serra de San Mamede (Ourense). REMITIDA - Arquivo

Tal e como confirman a Europa Press fontes da Garda Civil, o home, con iniciais J.M.V., atópase declarando no Xulgado de Instrución Número 1 de Xinzo durante a mañá deste luns.

Segundo informa a Benemérita, os lumes, de carácter intencionado, ocorreron durante os meses de agosto e outubro nas localidades de Sarreaus, Vilar de Barrio e Xunqueira de Ambia. Estas mesmas fontes explican que os incendios eran, supostamente, provocados polo apresado con axuda de chisqueiros, cabichas e outros instrumentos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta