Por Europa Press / Redacción | A CORUÑA | 29/11/2018 | Actualizada ás 20:00
Os traballadores da fábrica de Alcoa na Coruña secundaron esta tarde unha nova protesta con corte de tráfico e queima de pneumáticos nas inmediacións da empresa.
A protesta iniciouse ao redor das 17,30 horas dentro do calendario de mobilizacións que están a levar desde o anuncio de peche. Fontes sindicais explicaron a Europa Press que a mobilización volverá repetirse ás 20,00 horas.
Ademais, o cadro iniciará, a partir das 22,00 horas deste xoves e até a mesma hora de mañá venres, unha folga de 24 horas para esixir o mantemento do emprego.
Unha parte dos traballadores desprazarase tamén este venres até a fábrica da multinacional en San Cibrao, en Cervo (Lugo) onde secundarán unha nova protesta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.