Prisión provisional sen fianza para un home investigado por agresión sexual e tráfico de drogas en Xinzo
Durante o rexistro do domicilio do deito incautáronse sete quilos de marihuana e material para plantación da mesma.
Por E.P. | OURENSE | 30/11/2018 | Actualizada ás 15:49
O xulgado de Xinzo decretou prisión provisional comunicada e sen fianza para un mozo investigado por agresión sexual e tráfico de drogas en Baltar (Ourense). Tamén se fixaron medidas de prohibición de comunicación e afastamento dos denunciantes.
Segundo informou 'La Región', trátase dun mozo do municipio de Baltar, de 24 anos, que foi detido o pasado mércores como presunto autor de dous delitos de violación a dúas menores de idade ocorridas ambas este ano, pero en momentos distintos.
A información de este mesmo xornal apunta que, durante o rexistro do seu domicilio, interviñéronse sete quilos de marihuana e diverso material para a plantación, crecemento e secado deste tipo de droga.
Ademais, segundo esta mesma publicación, os axentes investigaron se o mozo agora en prisión ameazou ás dúas menores de idade para que non contasen o que ocorrera.
