Temas: EN MAREA PARLAMENTO PRIMARIAS CRISE ANOVA AGE

Antón Sánchez pide unha data para votar "con garantías" no proceso de En Marea

Recoñece que aínda que se vote "con garantías" non se solucionará o problema de división que existe actualmente.

Por Europa Press / Redacción | SANTIAGO DE COMPOSTELA | 04/12/2018 | Actualizada ás 15:03

O deputado de En Marea e portavoz nacional de Anova, Antón Sánchez, reclamou que se fixe unha data para a celebración das primarias aos órganos de dirección do partido instrumental e que as votacións se realicen "con garantías".

Así se expresou a preguntas dos medios este martes nos corredores do Parlamento de Galicia, onde se referiu á crise aberta en En Marea tras a paralización das primarias e o conflito entre os sectores que rivalizan desde hai dous anos no seo do partido instrumental.

O portavoz nacional de Anova, partido cuxa dirección apoia ao sector crítico que se presenta ao proceso interno baixo a candidatura 'Entre Todas', recoñeceu que o acontecido nos últimos días "non é bo", aínda que evitou pronunciarse sobre se as posturas entre ambos os bandos son irreconciliables e poderían afectar o Grupo Parlamentario.

"O que pasou non é bo. O responsable é limitarnos a pedir que haxa unha solución rápida para que se poida votar. Neste momento, é o responsable que hai que facer", apuntou, para logo insistir en que ir máis aló de "demandar" unha data de votación "con garantías" non contribúe a "darlle unha solución satisfactoria a esta situación".

Cuestionado sobre se cre que o Grupo Parlamentario pode repetir episodios como os vividos na pasada lexislatura con AGE - Antón Sánchez era deputado-- cando varios dos seus membros acabaron no Grupo Mixto, o dirixente nacionalista asegurou que "non é responsable falar de hipóteses" neste momento pero que, a nivel persoal, afirma saber "diferenciar as dúas situacións".

Temas: EN MAREA PARLAMENTO PRIMARIAS CRISE ANOVA AGE

7 comunista independentista

Facía falla máis xente traballadora e do pobo coma Antón. Máis antóns e menos villares, pontonas, caballeros e vividores varios. A única altertativa a Feijóo e os seus tres pepés: PP, Cs e Vox.

6 Gamela

Votar é sinxelo o difícil é cumprir o que se promete ! Logo dos resultados andaluces a autocrítica debera chegar ás cúpulas dos Partidos (instrumentais ou non) e ter moi claro que non estamos para máis brindis ao sol... https://i.gal/gamela15 Que ao día seguinte das votacións internas o primeiro que deben facer é publicar no portal de transparencia AS CONTAS CLARAS e cumprir coas obrigas tributarias tódolos cargos institucionais de En Marea (tanto en Galicia coma en Madrid!) https://cabozo.com/taboext.php?grup... Se non se fai así... os resultados electorais serán un desastre para esta esquerda que se está a comportar coma calquera dereita neoliberal de pacotilla! https://i.gal/gamela05

1 lóstrego

Ti aínda cres nos biosbardos

2 Gamela

Eu o que creo é na "responsabilidade" dos cargos públicos da "esquerda" ! Se na esquerda vale todo, entón non hai diferencia algunha coa dereita máis ultramontana! Vivimos momentos moi fodidos nos que a DESIGUALDADE está rompendo calquera posiblidade de consenso... Non creo que sexa moito pedir algo de COHERENCIA !!!

5 twuj

Se os tafures golpistas do cerna-villarismo non volven facer das súas vaise votar do 15 ao 17 de decembro: https://www.abc.es/espana/galicia/a... Paréceme ben que se asine a paz para que se permita votar, pero despois das votacións haberá que facer unha boa limpeza neste espazo político: tránsfugas, cernas, infiltrados, trileiros, golpistas, mariopalleiros... non poden estar na unidade popular lixándoa, rebentándoa e sabotándoa dende dentro. Que se vaian para o BnG/CxG, o autonomismo acolle autonomistas cos brazos abertos.

1 Ceboleiro

Sobra unto, dicia o Bautista fai pouco. E faltan máis españoles e mucho españoles. De Galapagar ao parecer. Son fantásticos...

4 arredista

A única opción de cambio en Galiza pasa por recuperar En Marea como espazo de unidade popular, e para iso é esencial derrotar a ese cancro que é o villarismo nocivo, golpista e trampulleiro. Falou o Antón e falou ben. Votaremos e botaremos (a Villares).

1 sermos mantidos

E despois de botar o Villares poñemos o Antonciño de líder no Parlamento de Galiza, e ao Arredista de asesor-recadeiro para transmitirlle as ordes que cheguen desde o Cuartel Central situado en Galapagar de la Sierra (Madrid). E, todos felices, comeremos perdices sen desplumar.

2 Ceboleiro

Fáciles de descubrir en campaña: IU+PODEMOS+ 3 gaiteiriños con moito bombo. Ou pensades que @s outr@s son parvos. Que non saben que veñen facendo no parlamento de Madrì. Que non vimos a vergoña da negociación dos “orzamentos” que ainda non son para o paìs. Nin marea nin tonterías, un regueiro pequeno. E que nos queredes meter os dedos nos ollos. E os alcaldes van ben. Moi atinados. Portentosos. Especialmente o de Compostela.

3 LKI

Madrí, Madrí, Madrí, Madrí, Madrí, Madrí, Madrí, Madrí,... a obsesión da troleada bloqueira. Botando pestes contra “Madrí” non hai que facelo contra España, que é quen mantén a golpe de subvencións ao politburó de vividores pontonistas.